لەدوای نێزێک پێنج مانگ شەڕ و خۆڕاگری بێ وێنە، سەرەنجام پێتەختی تاریکپەرەستانی داعش کەوتە دەست شەرڤانانی ئازادی و هێزەکانی سوریەی دیموکراتێک. بەر لە هەر شتێک ئەم سەرکەوتنە مەزنەسهرهتا لهرێبهر ئاپۆ لە هەموو گەلی ناوچەکە بە تایبەت گەلی قارەمانپەروەر و خۆڕاگری کورد و شەهیدانی رێگەی ئازادی پێرۆز دەکەین. بە گرتنی شاری ئیستراتژیکی رەقە، جارێکی تر سەڵمێندرا کە پرۆژەی پێکەوە ژیانی گەلان کە رێبەر ئۆجەلان پیشکەشی مرۆڤایەتی کرد سەرکەوت و توانی گەلانی ناوچەکە لە عەرەب و کورد و تورکمان و ئاشوری لە دەست هێزە داپلۆسێنەرەکان رزگار بکات و ئاشتی و ئارامی بۆ ناوچەکە بگەرێنێتەوە. بێ گومان گرتنی ڕەقە دەستکەوتنێکی تاریخی و گرنگە لە مێژووی گەلی کوردستان و ناوچەکەدا.

 

ڕەقە هەر ئەو شارە مێژوویی و ئیستراتژیە بوو کە داعش و هاوپەیمانانی زۆر پێیان هەڵدەگوت، ئیستاکە بە خەباتی بێوچان و بێ وێنەیەی قارەمانی رێگەی ئازادی رزگار بوو. لە کاتێکدا ئەم رۆژانە شاری کەرکوک بە سیاسەتی هەڵەی دەسەڵاتدارانی هەرێمی باشور ڕادەستی میلیشیاکانی سەربە ئیران کرا کە لە شوێنێکی تری ئەم کوردستانە ئاهەنگی سەرکەوتنی مۆدێلی نەتەوەی دیموکراتیک دەخوێندرێت. ئەمە نیشاندەری ئەوەیە کە هیچکات پرۆژەی دەولەت-نەتەوە و ئەوانەی بەردەوام لە تەپڵی دەوڵەت ئەدەن نەک چارەسەری بەخۆیەوە ناهێنێت بگرە ماڵوێرانکاری و قەتلوعامی گەلانی ناوچەکەی لێدەکەوێتەوە. 

 

بەم هۆیەوە ئیمە وەک کۆدار جارێکی تر ئەم سەرکەوتنە مێژوویی و ئیستراتژیکەی هێزەکانی سوریەی دیموکراتیک و شەڕڤانی کوردستان لە گەلانی سوریە، خەڵکی کوردستان، شەهیدانی ئەم رێگەپیرۆزە و سەرجەم هێزە دیموکڕاتخوازەکان پیرۆز ئەکەین. بانگ لە گەلی خۆمان ئەکەین یەکێتی و یەکرێزی خۆیان بە پشتبەستن بە پرۆژەی پێکەوەژیانی گەلان پتەو بکەن. هێزەداگیرکەرەکانیش با بزانن یەکانە رێگە بۆ ئاشتی و سەقامگیری لە ناوچەکە بە بنەماگرتنی سیستەمی کۆنفدرالیزمی دیموکراتیک و دیالۆگ لەگەڵ کوردی ئازادە. هەر ئەو کوردەی کە بە جیهانی سەڵماند ئیرادەی پۆلایین و باوەری بە سەرکەوتن دەتوانێت هەر هێزێکی داگیرکەر و زۆردار شکست بدات.

 

 

کۆمەڵگای دیموکراتیک و ئازادی رۆژهەڵاتی کوردستان

٢٨ی رەزبەری ٢٧١٧ی کوردی

١٩ی ئۆکتۆبەری ٢٠١٧ی زایینی