گەلی کوردستان لە کاتێکدا بە قۆناخێکی مێژووی تێپەر ئەبێت کە لە ساڵی ٢٠١١وە ئاگای لە بارۆدۆخی رێبەرەکەی نیە. دەوڵەتی فاشیستی تورکیە و هاوپەیمانی نگریسی ئەردۆغان-باخچەلی نێزێک حەوت ساڵە دەرفەت نادات رێبەر ئۆجەلان لەتەک پارێزەرەکانی دیدار بکات. سرنجڕاکێش ئەمەیە کە بە دەسپێکردنی شەڕی سوریە و پلان و داگیرکاری سەر رۆژئاوی کوردستان، هێزە هەژمونگەراکان دەرفەتیان نەدا دەنگی رێبەری نەتەوی بە گوێ گەلەکەی بگات. چونکە ئەمان دەزانن هەر گوتن و ڕاسپاردەی ئەو وەک رێنیشاندەری ئازادی و لە هەمانکاتدا هۆشدارێکە بۆ مەترسیەکان سەر گەلی کوردستان. هەر بۆیە بە سەدان جار بە بیانۆ بێ بنامەی خەرابی کەشتی و نالەباری کەشوهەوا دیدار و هاودیتنەکان کە ماڤێکی سەرەتایی هەر زیندانیەکە ئاستەنگ دەکرێت. ئەم بێخەبەری لە ژیانی رێبەر ئۆجەلان وایکردووە گەلی کورستان و بزووتنەوەکەی بە گومان و نیگەرانێوە بروانە ئەو بارۆدۆخە.


 

دیارە هەم گەلی کوردستان و هێزە دیموکرات و ئازادیخوازەکان هەمیش وڵاتانی زلهێز و دەوڵەتە داگیرکەرەکان ئەزانن هەبوونی کەسایەتیەکی بیرمەند و خاوەن پێگەی کۆمەڵایەتی و جەماوەری وەک رێبەر ئۆجەلان دەتوانێک خاوەن گرنگی تایبەت بێت سەر هەلومەرجی سیاسی کوردستان و هێنانی ئاشتی و سەقامگیری بۆ ناوچەکە؛ هەر بۆیەش ئەم هێزە هەژمونگەرایانە دەوڵەتی تورکیە هان ئەدەن لەسەر پێشێکارێکانی ماڤی مرۆڤ و نادیاری تەندروستی رێبەر ئۆجەلان بەردەوام بێت. رێبەر ئۆجەلان رۆڵی سەرەکی هەبووە لە خیتابی یەکێتی نەتەوی و بە تێکۆشانی فکری و خەباتی بێوچانی خۆی گەلانی ناوچەکە بە تایبەت لە سوریە و شەنگال لە بەرامبەر هێزە کۆنەپەرەستەکان و سەرۆکانی ئەوان پاراست و فەلسەفە و سیستەمی پێکەوە ژیانی گەلانی پێشکەشی مرۆڤایەتی کرد. ئیستا کە ئەبینین بە تایبەت گەلانی سوریە لە قەتلوعام رزگاریان ئەبێت و بەرەو کوردستان پەنا ئەبن بەرهەمی بیر و فەلسەفە و هۆشیاری ئەم رێبەرە دڵسۆز و تێکۆشەرەیە. هەر بۆیە هەر چەشنە هێرش و مەترسیەک سەر ئۆجەلان، هێرشە سەر دەسکەوت و هەبوونی گەلی کوردستان و مایەی پەسەند کردن نابێت.


 

بەو پێیەوە ئیمە وەک کۆدار بانگ لە گەلەکەمان لە رۆژهەڵاتی کوردستان و هەندەران دەکەین سەرهەڵدان ئاسا بەرەو شەقامەکان رێکەون و وەک هەمیشە پابەندبوون و وەفاداری خۆیان بۆ رێبەرەکەیان دەرببڕن. گەرەک وڵاتانی داگیرکەر بە تایبەت دەوڵەت-نەتەوەی تورکیەی فاشیست بزانێت هەر وەک چۆن لە ساڵی ٩٩ گۆرزێکی جەرگبڕی لە سەرهەڵدانی گەلی تێکۆشەری کوردستان وەبەرکەوت لەئەگەری هەر مەترسیەک بۆ سەر تەندورستی رێبەر ئۆجەلان هەموو تورکیە و هێزە موداخیلەگەرەکان لە ئاسوودەیی و ئارامی بەسەر نابەن. ژیانی رێبەر ئاپۆ بۆ گەلی کوردستان و هێزە دیموکراتیک و ئازادیخوازەکان هێڵی سوورە و تێپەراندنی ئەو هێڵە ئەتوانێت کارەساتی گەورە و چاوەروان نەکراوی لێکەوەێتەوە.


 


 


 


 

کۆمەڵگای دیموکڕاتیک و ئازادی رۆژهەڵاتی کوردستان- کۆدار

٢٤ی رەزبەری ٢٧١٧ی کوردی

١٥ەی جووتمەی ٢٠١٧ی زایینی