Jİ BO RAYA GİŞTÎ

Despêk1398/5/24

15 ê tebax di dîroka gelê Kurd de wekî cejna vejînê tê binavkirin. Li dijî metînger kirin û dagirkirina Kurdistan û qirkirina gelê Kurd pêngaveke vejandina rumetê ye û zindî kirina ruhê dîrokî yê berxwedanêye.
15 ê  tebax di dîroka gelê Kurd de wekî cejna vejînê tê binavkirin. Li dijî  metînger kirin û dagirkirina Kurdistan û qirkirina  gelê Kurd  pêngaveke vejandina rumetê ye û zindî kirina ruhê dîrokî yê berxwedanêye. Ji vê dîrok û  çanda berxwedêr li çar parçeyê Kurdistan bi deh hezaran jin û ciwanên Kurdistanê bandor bûne û tevlî vê têkoşîna bi rûmet bûne. Li Rojhilatê Kurdistanê jî tevgera ciwanan wekî roja damezrandina xwe ev roj hilbijartiye ku ev dîrok ji bo  çar parçeyê Kurdistanê bûye mîlada şiyarbûnê. Gelek ciwanên Rojhilatê Kurdistanê bi ruhê fermandar Egît(mahsûm korkmaz) tevlî têkoşîna li dijî dagirkerîyê bûn. Şopdariya vê mîrateyê roj bi roj zêdetir jî dibe. Îro li sertanserî Kurdistanê li dijî kurdê bi îrade û  bi nasname bûyî êrîşên herî dijwar û dij mirovî têne pêşxistin. Hemû hêzên dagirker,faşist, metînger û yê her tim înkar û tunekirina kurdan dikin armanca xwe bi hemu hêza xwe êrîşê tevgera azadiyê û gelê me yê li çar parçeyê Kurdistanê dikin. Li dijî vana berxwedana tê pêşxistin îlhama xwe ji ruhê 15 ê tebaxê û ji kesayeta serkeftinê yê fermandar Egît digre. 
       Wekî tevgera ciwanên Rojhilatê Kurdistanê(KCR) di rojek wiha de îlankirina damezrandina xwe ji ruhê çalak,cesûr,berpirsiyar u pêşeng ya ciwanan tê. Di pêvajoyek wiha ku ji her alî ve li ser gelê me qirkirin tê ferzkirin pêwîste ciwan bi vê ruhê qehremanî û wêrekî yê 15 ê tebaxê bersiv bidin dijminê xwînxwar. Bi taybetî li Rojhilatê Kurdistan û İran ê li ser bê îrade kirin, bê bandorkirin û ber bi pergala kapîtalîst ve kişandina ciwanan her tişt tê kirin. Ciwan di nav  rewşeke bêhêvî û reşbîn de têne hiştin. Rejîma dagirker û metînger  ya İran ji bo çewisandin û pasîf kirina ciwanan  her cure zext pêşdixe. Di dibistan, zanîngeh, li kolan û kargehan de li ser ciwanan bi rêbazên curbecur yên bê îradebûnê pêşdixe. Bi belavkirina bêexlaqiyê, maddeyên hoşber, bêkariyê dixwaze di nav civakê de rizandinê çêbike. Ji bo encam bigre jî destpêkê ciwanan hedef digre. Ji ber ciwan hêzên pêşeng û ya parastina civakêne. Eger ev polîtîka û kiryar li ser ciwanan encam bigre dikare li ser civakê jî pir bi rehetî werin belavkirin. Her wiha civak wê were teslîm girtin. Li ser vî esasî pêşengtî û wêrektiya ciwanan pir girîng dibe. Pêngava  15 ê tebaxê jî li dijî van polîtîkayana destpêkirina têkoşînê û parastina civakê bû. Ango ruhê 15 ê tebaxê ruhê ciwantiye. Bi vê zanabûnê tevgerandin û tevlî têkoşînê bûyîn erkê her jinên ciwan û  bi giştî ciwanane.
       Wekî KCR ev sêzdeh sale bi vê erk û mîsyona pêşengtiya ciwanan em tevgeriyan û di vê berdelê de gelek şehîdên me yên giranbûha jî çêbûn. Ji bo parastina gelê Kurd û serxistina armanca şoreşê bi beşdarbûna hezaran ciwanên Rojhilatê Kurdistanê di gelek qadên dıjwar de têkoşîn hate meşandin. Ev pêvajoya em têdene jî ji her demî zêdetir ev ruhê berpirsiyar dixwaze. Ji bo pêşî lêgirtina dagirkirina Kurdistan ji bo sazkirin û xurtkirina yekitiya netewî û ji bo jiyaneke nu û hevpar ji bo hemu gelan, em bangî hemu ciwanên rojhilatê Kurdistan û İranê dikin ku ref bi ref tevlî gerîlla bibin, bi ruhê serkeftinê yê 15 ê tebaxê û fermandar Egît şoreşa Kurdistanê misoger bikin.
                                                                                                                            KOORDİNASYONA KCR
                                                                                                                                         15.08.2019